Li ser asta Şehbayê turnuveya futbolê

Li ser asta kantona Şehbayê turnoveya futbolê bi navê "Berxwedana Serdemê" hate organîzekirin.

CIWAN

20 tîrmeh, 2018 19:24

ŞEHBA

Desteya Ciwan û Werzîşê ya Kantona Şehbayê bi koordîneya Yekîtiya Werzîşê bi durşma "Bi giyanê berxwedanê û xwedîderketina li Gerzan, Hawar û Birûsk em ê têkoşînê bidomînin" li ser asta kantona Şehbayê bi navê "Berxwedana Serdemê" turnoveya futbolê organîze kir.

Maç dê li gorî 3 koman, di her komekê de 4 tîm hene werin lîstin.

Maç dê rojane li Stada Serdemê ya li gundê Sosîn a navçeya Fafînê were lîstin.

Beriya ku maça yekemîn a di navbera Tîma Hemûdê û Tîma Gerzan de destpê bike, deqeyeke rêz hate girtin.

Paşê Rêveberê Yekîtiya Ciwanên Rojava Tolhildan Zerdeşt û Seroka Desteya Ciwan û Werzîşê ya Kantona Efrînê Gulê Cemo axivîn û turnuve li lîstikvanan û cangoriyên azadiyê pîroz kirin.

Axaftivanan, anîn ziman ku armanca turnuveyê pêşxistina werzîşê û zindîkirina rihê sporê li gel lîstikvanan.

Piştre jî maç di navbera Tîma Hemûdê ya ji Maret Mislimiya û Tîma Gerzan a ji gundê Babinsê dest pê kir.

Bi dehan şêniyên kampê temaşeya maçê kirin.

Di dawiya maçê de tîma Gerzan bi serket.

(bb)

ANHA