Ji Reqaya azad banga "Li dijî dagirkeriyê xurtkirina yekîtiyê"

REQA

Di çarçoveya rêzeçalakiyên Roja Cîhanî ya li djiî dagirkeriya Tirkiyê ya li Kurdistanê û Efrînê de, Meclîsên herêmî yên (Kaltiya, Esediyê, Mişrefat û Xinêzat) yên gundewarên bakurê Reqayê daxuyaniyeke hevpar dan.

Daxuyanî bi amadebûna bi dehan endamên meclîsên navborî li pêşiya Meclîsa Gel a gundê Xinêzat ji aliyê Hevserokê Meclîsa Gel a Xinêzat Munîr El-Xelef ve hate xwendin.

Di daxuyaniyê de hate gotin, "Wekî meclîs em çavbirçîbûnên dewleta Tirk ên bi armanca zindîkirina serdema Osmaniyan û dagirkirina xaka sûriyê, her wiha derxistina fitnê di navbera Ereb û Kurd, Suna û Şîna de û bi armanca guhertina demografiya Sûriyê û ruxandina welatê me şermezar dikin.

Her wiha em bang li rêxistinên navdewletî yên mafên mirovan û Konseya Ewlekariyê dikin ku berpirsyartiya xwe pêk bîne û sînoreke ji zêdegaviyên dewleta Tirk re deyene û çeteyên wê ji Sûriyê derxînin.

Wekî gelê Sûriyê ji me tê xwestin em li hemberî binpêkirinan welatê xwe Sûriyaya yekbûyî ya Kurd û Ereb, Suna û Şîa bernedin ji bo xurkirina jiyana hevbeş a di navbera henû gelên Sûriyê û belavkirina demokrasiyê û redkirina siyasetên guhertina demografî hevgirtina xwe xurttir bikin."

(bb)

ANHA