Hejmara qurbaniyên Meşa Vegerê bû 10 kes, 512 kes birîndar bûne

Aloziya li Filistînê ku di dema veguhestina sefaretxaneya DYA ya Îsraîlê ji bo Qudisê dijwar bû, hejmara qurbaniyên filistînî derket 10 an û hejmara birîndaran jî bû 512 kesan.

14 gulan, 2018 11:26

XEZA

Nûçegîhanê ajansa me (ANHA) yê li Filistînê diyar kir ku rewşa herêma Xeza dijwar dibe û destnîşan kir ku heta niha 10 welatiyên Filistînê bi guleyên Artêşa îsraîlê jiyana xwe ji dest dane. Ji kesên jiyana xwe ji dest dane Museb Ebû Leyla, Ensin Qedîh, Eşerf Site, Ebeyde Ferhan, Bîlal Ebû Deqe, Izedîn El-Iwêtî, Fadî Ebû Selah El-Eqîd û Zarokê bi navê Izedîn El-Semak in.

Di heman demê de 512 kesên tevlî "Meşa Vegerê" bibûn birîndar bûne. Hate zanîn ku rewşa 36 birîndaran giran e.

Nûçegîhanê me her wiha destnşan kir ku ciwanên Filistînê balafirên ji kaxezê ku molotov li ser bi cih kirine şandin. Di encamê de herêmeke fireh ku di bin destê Îsraîlê de ye şewitî.

Komek ciwanên Filistînê girtin ser bargeha leşkerî ya li bernaberî Hecer El-Dîk in û agir li hindirê wê pêxistin.

Nûçegîhanê me her wiha da zanîn ku hejmara kesên tevlî "Meşa Vegerê" bibûn û jiyana xwe ji dest dan 10 kes derbas kirin. Li Difa Rojava û Qudsê jî meşên mezin hatin destpêkirin.

(dc)

ANHA