Desteya Rêveber a Yekîtiya Rewşenbîran hat hilbijartin

Civîna damezrîner a Yekîtiya Rewşenbîran a Minbicê bi hilbijartina endamên Desteya Rêveber a Yekîtiya Rewşenbîrên bajarê Minbicê bi dawî bû.

21 nîsan, 2018 17:03

MINBIC

Di civîna damezrîner de reşnivîsa rêziknameya Yekîtiya Rewşenbîran a Minbicê ku ji nav, dirûşme, danasîna yekîtiyê, armancên wê, erk û mercên endamtiyê û erka Desteya Rêveberʺ hat xwendin.

Piştre rêzikname hat nîqaşkirin û hin bendên wê hatin sererastkirin.

Di berdewama civînê de, plansaziya xebatên Yekîtiya Rewşenbîran hat diyarkirin. Plansazî wiha ye:

*Xurtkirina têkîliyan bi rewşenbîrên bajarê Minbicê re û beşdarkirina wan di xebatên Yekîtiya Rewşenbîran de.

*Dê kovara Yekîtiya Rewşenbîrên Minbicê were weşandin.

*Dê xebatên çandî bi riya semîner û hevdîtinan bêne xurtkirin.

*Dê pêşengehên salane yên pirtûk, folklor û hwd bêne lidarxistin.

*Destekdayîna ciwanan rewşenbîr.

*Weşandina belgefilmên çandî.

Piştî plansaziyê, 7 kes ʺHena Şerîf, Xezala Yûsif, Nehle Şiwax, Ehmed Yûsif, Cuma Heyder, Ehmed Ebû Şkêr, Ebdulwehab Şêxoʺji bo endamtiya Desteya Rêveber a Yekîtiya Rewşenbîran hatin hilbijartin.

(mm)

ANHA