Şehîd Egîd li Tirbespiyê hat bîranîn

Şêniyên navçeya Tirbespiyê ya Kantona Qamişlo şehîd Masûm Korkmaz (Egîd) di 32ʹyemîn salvegera şehadeta wî de bi bîr anî.

28 adar, 2018 19:22

QAMIŞLO – Ji bo bîranîna şehîd Egîd şêniyên navçeya Tirbespiyê û endamên Saziyên Civaka Sivîl li goristana Şehîd Dilşêr kom bûn.

Li goristanê merasîma bîranîna şehîd Egîd ku 28ʹê Adarê li çiyayên Gabarê guleya yekem avêt û têkoşîna leşkerî li dijî faşîzma Tirk ragihand.

Merasîma bîranînê bi deqeyek rêz dest pê kir. Pişter Endamê Rêveberiya TEV-DEMʹê Baran Tirbespiyê, Endamê Meclîsa Malbatên Şehîdan Hecî Ebdo axivîn.

Axaftvanan sersaxî ji malbatên şehîdan re xwestin û di kesayeta şehîd Egîd de tevahî şehîdên Tevgera Azadiya Kurdistanê bi bîr anîn. Axêveran diyar kirin ku bi saya fedekariya şehîdên azadiyê gelê Kurd gelek destkeftî bi dest xistin û cîhan neçar kirin ku rastiya doza Kurdî nas bike.

Her wiha axêveran destnîşan kirin ku şehîd Egîd bû sembola vîna azad û têkoşîna leşkerî li dijî zulm û dagirkeriya Tirk.

Di dawiyê de sînevizyonek derbarê jiyan û têkoşîna şehîd Egîd de hat pêşandan.

(mm)

ANHA