Xwendekarên jin ên Zanîngeha Rojava projeyên zanistî pêşkêş kirin

Zanîngeha Rojava li bajarê Qamişlo 29`ê Hezîranê Pêşangeha Zanistî ya Rojava ya Yekemîn bi dirûşma `Nûjeniya îro paşeroja sibê diafirîne` vekir. Pêşangehê 2 rojan dewam kir. Xwendekarên Fakulteya Çandiniyê, Fakulteya Zanistên Xwezayî û Teknolojiyê di pêşangehê de projeyên xwe pêşkêş kirin. 

Xwendekarên jin gelek projeyên ku bikevin ber xizmeta civakê çêkirine. Mînak; sîstema bikarin bi rêya telefona destan erebeyan biajon, projeya erebeya rizgarkirine, projeyên çandiniyê yên çêkirina zeytê û giyayên ji bo tedawîkirine, çêkirine. Her wiha tov û nebatên ku fêde bidin mirovan û çandiniyê, lêkolîn kirine.

Xwendekar Ahîn Munzir Xalid Fakulteya Zanistên Xwezayî û Teknolojiya dixwîne. Ahînê anî ziman ku wê telefoneke destan ku bi rêya teknolojiya bluetoothê bixebite çêkiriye.

Her wiha xwendekar Aye Elî Cenbelî ya di Fakulteya Zanistên Xwezayî û Teknolojiyê de dixwîne, got wê erebeyeke ku bikevê herêmên xeternak, cihê qurbaniyên di bin kavilan de dimînin tesbît bike û wan rizgar bike, çêkiriye.

Aye Elî Cenbelî anî ziman ku di projeyên xwe de ew nikarin hemû parçeyan peyda bikin û wiha lê zêde kir: "Bi taybet em nikarin kamera û teknîka hişê çêkirî peyda bikin. Ez bi hêvî me destekê bidin me ji bo em bikarin projeyên xizmeta civakê dikin, bi pêş bixin. Tevlêbûna jinan di zanist û teknolojiyê re gelekî girîng e û ez bi hêvî me ku destekê bidin xwendekarên jin da ku xwe zêdetir bi pêş bixin."

(np)

ANHA