Xelkê Minbicê sersaxî da malbata şehîd Mihemed El Casim

Xelkê kantona Minbicê, endamên saziyên Rêveberiya Xweseriya Demokratîk a kantonê, Meclisa Leşkerî ya Minbicê, Meclisa Leşkerî ya Babê, Meclisa Malbatên Şehîdan, Meclisa Kombûna Jinan a Zenûbiya, partiyên siyasî û rûspiyên eşîran berê xwe da konê sersaxiyê yê şervanê Meclisa Leşkerî ya Babê şehîd Mihemed Fîras El Casim. Kon li taxa Hezawnê ya bajarê Minbicê hat vegirtin.

Şehîd Mihemed Fîras El Casim di 23ˊyê Adarê de di dema pêkanîna erkên xwe de li kantona Minbicê şehîd bû.

Di merasîmê de endamê Meclisa Malbatên Şehîdan a kantona Minbicê Nîzar Çawîş sersaxî da malbata şehîd û got: "Şehîdan ji bo parastina welatê xwe ruhê xwe feda kir û mohra xwe li rûpelên dîrokê xist."

Çawîş soza şopandina rêya şehîdan heta pêkanîna serkeftinê û rizgarkirina deverên dagirkirî nû kir.

Yek ji fermandarên Meclisa Leşkerî ya Babê Remo Ehmed axivî û got: "Silav li yên ku ji bo parastina ewlehî û aramiya welat tê koşiyan, silav li yên ku bi têkoşîna xwe welat rizgar kirin. Em soz didin wan ku em heta pêkanîna aramî û ewlehiyê rêya wan bidomînin."

Hevseroka Meclisa Rêveber a kantona Minbicê Ezab Ebûd destnîşan kir ku şehîd cihê serbilindiyê ne û soza şopandina rêya wan ji bo parastina destkeftiyên wan, da.

Di dawiya merasîmê de wesîqeya şehadetê ya şehîd hat xwendin û ji bo malbata wî hat radestkirin.

(mh)

ANHA