Xelkê Minbicê bi meşekê êrişên dewleta Tirk şermezar kirin

Tevggera Ciwanên Şoreşger a Sûriyayê û Yekitiya Jinên Ciwan a Minbicê li dijî êrişên dewleta Tirk a dagirker û hedefgirtina navenda wan meşeke girseyî li dar xist.

Di meşê de xelk, endamên Tevgera Ciwanên Şoreşger a Sûriyeyê, Yekitiya Jinên Ciwan, mecisên xetên bajêr, partiyên siyasî, Yekitiya Werzîşê, Komîteya Ciwan û Werzîşê, rêxistinên civaka sivîl û HPC′ê beşdar bûn.

Meş ji Çerxerêya Mîzan ber bi avahiya Tevgera Ciwanên Şoreşger a Sûriyeyê ya bajêr ve dest pê kir. Beşdaran wêneyên Rêber Abdullah Ocalan, alên ciwanên şoreşger û Yekitiya Jinên Ciwan hildan.

Li ber navendê meş vegerî mîtîngê û li wir hevserokê Tevgera Ciwanên Şoreşger a Sûriyeyê ya Minbicê Ehmed El Cimêlî axivî û wiha got: "Em ji tevahî cîhanê re û ji her kesên hewl bidin ewlehiya herêma me têk bibin re dibêjin kesên li ser fikrên Rêber Abdullah Ocalan tê dikoşin dikarin navendan û Bakur û Rojhilatê Sûriyeyê ji nû ve bi têkoşîn û berxwedanê ava bikin."

El Cimêlî wiha domand. "Hûn bi vê yekê nikarin berxwedana me bişikînin. Tevahî Minbivê navendên Tevgera Ciwanên Şoreşger a Sûriyeyê ye û deriyên tevahî Bakur û Rojhilatê Sûriyeyê li pêş tevgera me vekirî ne."

El Cimêlî wiha dawî li gotina xwe anî: "Tevgera Ciwanên Şoreşger û xelkê Minbicê heta têkbirina dewleta Tirk a dagirker û çeteyên wê û rizgarkirina herêmên xwe di têkoşîna xwe de berdewam in. Ji ber ku vîna ciwanên azadîxwaz nayê şikandin û tu kes nikare li pêş wan bisekine."

Meş bi diruşmên ′Bijî berxwedana Bakur û Rojhilatê Sûriyeyê′ û′Bê Serok Jiyan Nabe′ bi dawî bû.

(fr)

ANHA