Tîmên pispor rêyên sereke yên Serê Kaniyê ji mayinan paqij dikin

Xebatên paqijkirina mayinan li derdora Serê Kaniyê û gundewarên Til Temir û Zirganê berdewam dikin.

8 tîrmeh, 2026 10:45

HESEKÊ

Xebatên paqijkirina mayinan li gundewarên Til Temir û Zirganê berdewam dikin da ku rêyên sereke yên Serê Kaniyê û deveran ji bo vegera koçberan bo malên xwe amade werin vekirin.

Rêvebirê operasyonan ê rêxistina Reacho, ku li gundewarên Zirganê dixebite, ji ajansa me re got: "Tîmên rêxistinê dest bi paqijkirina rêya sereke ya ku ber Serê Kaniyê ve diçe kirine, ku ji gundê Esediya, bakurê Zirganê, dest pê dike û heta niha nêzîkî ji sedî 30 hatiye paqijkirin."

Wî diyar kir ku niha ew giranî didin li ser ewlekirina rêya sereke da ku ew ji nû ve were vekirin û vegera koçberan bo bajar û gundên wan hêsan bibe. Dûv re tîm dê ber bi paqijkirina gund û deverên din ve biçin.

Di heman çarçoveyê de, rêxistina MAG, ku pisporê paqijkirina mayinan e, li ser rêya Til Temir û Serê Kaniyê, xebatên xwe didomîne, di heman demê de Firqeya 60emîn ji bo paqijkirina mayinan ji gund û xetên pêşîn bi karanîna makîneyeke paqijkirina mayinan dixebite.

(k)

ANHA