TEV-DEM’ê kongreya xwe ya 5’an li dar dixe

Tevgera Civaka Demokratîk (TEV-DEM) kongreya xwe ya 5’an bi dirûşma "Rêxistinên civaka demokratîk garantiya azadî, edalet û wekheviyê ye" li hola Serdemê ya li bajarê Hesekê li dar dixe.  Zêdetirî 500 delegeyên meclisên TEV-DEM’ê yên li seranserî Herêma Bakur û Rojhilatê Sûriyeyê, nûnerên Rêveberiya Xweseriya Demokratîk, nûnerên QSD, partiyên siyasî, rêxistinên civaka sivîl û saziyên jinan beşdarî kongreyê bûne.

Axaftina destpêkê ya kongreyê ji aliyê hevserokên TEV-DEM’ê Xerîb Hiso û Rûken Ehmed ve hat kirin. Rûken Ehmed û Xerîb Hiso ku bi zimanên kurdî û erebî axivîn lidarxistina kongreya 5’an pîroz kir.

Di axaftinên hevserokatiya TEV-DEM’ê behsa dîroka avabûna tevgerê, pêvajoyên ku tê re derbas bûne û rola wê di rêxistinkirina civakê de hate kirin.  Îşaret bi vê yekê hat kirin ku TEV-DEM’ê bi pêvajoya Şoreşa 19’ê re tovê yekemîn ê Rêveberiya Xweseriya Demokratî danî.

Her wiha hate diyarkirin ku serkeftinên ku gelên Bakur û Rojhilatê Sûriyeyê bi dest xistine bingeha xwe ji siyaseta xeta sêyemîn a ku Rêber Abdullah Ocalan diyar kiriye an ku xeta azadiya jin û xwişk û biratiya gelan, digire. Hevseroekatiya TEV-DEM’ê destnîşan kir ku bi saya fedakariyên şehîdan projeya Rêveberiya Xweser bûye modeleke bi bandor li herêmê.

Kongre bi nirxandina rewşa rêxistinî û xwendina rapora xebatên TEV-DEM’ê dewam dike.

Di dawiya kongreyê de dê rêziknameya tevgerê li gorî Peymana Civakî ya Rêveberiya Xweser were guhertin û meclis û hevserokatiya nû tevgerê werin hilbijartin.

(bb)

ANHA