Serokê YNKˊê Bafil Talebanî êrişên li ser Başûrê Kurdistanê şermezar kirin

Serokê Yekitiya Niştîmanî Kurdistanê (YNK) Bafil Talebanî bi boneya salvegera damezirandina YNK’ê peyamek da.

Talebanî bal kişand ser rewşa aloz a li herêmê û got: “Di salvegera YNK’ê de xelkê me di nava krîzên aborî û rewşeke giran de ye. Em piştrast dikin ku bi gelê xwe re ne. Spasiya xelkê xwe yên xweragir dikin, bê navber em ê xizmeta ji bo gelê xwe û parastina wan dewam bikin.”

Talebanî bi domdarî got: “Yekitiya Iraqê û pêşketina Herêma Kurdistanê du stûnên sereke yên serkeftina welat in. Ji bo vê armancê, YNKˊê dê hewlên xwe bi hevalbendên xwe re li Iraq û li çaraliyê cîhanê zêde bike. Pêwîst e ku bi cîranan re têkiliyên hevseng werin avakirin bi mercê ku serwerî û serxwebûna Iraqê were parastin.”

Bafil Talebanî êrişên li ser Herêma Kurdistanê bi tundî şermezar kirin û got: “Ev êriş tê wateya gefa li ser aramiya xelkê me. Hewlên ji bo avakirina paşerojeke aram a ji bo hemî Iraqiyan têk dibin.”

Herî dawî Talebanî got: “Ji bo pêkanîna aramiyeke berdewam û divê cidî kar bikîn ji bo domandina têkiliyan bi welatên cîran re.”