Şêniyên Kantona Firatê şehîd Mihemed Dilbixwîn oxir kir

Bi sedan şêniyên kantona Firatê sazî û dezgehên girêdayî Rêveberiya Xweser, tev li merasîma  oxirkirina şehîd Mihemed Dilbixwîn bûn.

Şervanê Hêzên Sûriya Demokratîk (QSD) şehîd Dilbixwîn (Ismaîl Xelef) ku di 26`ê Hezîrana 2024`an de li Eyn Îsa  şehîd bûbû.

Di merasîmê de endama Meclisa Malbatên Şehîdan şaxê bajarê Qinê Şêrîn Mihemed Hisî sersaxî ji malbatên şehîdan re xwest û soza şopandina rêya şehîdan da û got: "Şehîd Dilbixwîn bi têkoşîn û vîna xwe gihişt asa şehadetê. Lê bila dewleta Tirk û hevalbendên wî baş bizanin,  em tu carî bi şehîdxistinê tune nabin, em ê bi hezaran şopdarê rêça şehîdên xwe bin. Em bi şehîdên xwe serbilind û serfiraz in.

Yek ji fermandariyên Meclisa Leşkerî ya bajarê Girê Spî Riyad Xelef axivî û got: "Şehîd Dilbixwîn bi berxwedanî xwe hata dawiyê têkoşîn kir. Şehîdan ji bo ku axa xwe biparêzin têkoşîn kirin. Lê em ê jî hata dawiyê têkoşîna ku şehîdên me dabûn pêşiya xwe wê têkoşînê bişopînin."

Piştre wesîqeya şehîd ji aliyê Meclisa Malbatên Şehîdan ve hat xwendin û radestî malbatê hate kirin.

Şehîd bi dirûşma" Şehîd Namrin" spartin axê.

(sş)

ANHA