Şehîdên Serhildana Qamişloyê hatin bibîranîn

Di çalakiyên bi boneya salvegera 20’an a Serhildana Qamişloyê hatin lidarxistin de hate gotin, projeya Rêveberiya Xweser bersiva gel a li hemberî hewldanên derxistina fitneyan e. Her wiha hate diyarkirin ku rihê Serhildana Qamişlo wê heta avakirina civakeke demokratîk berdewam bike.

ROJANE

12 adar, 2024 14:41

NAVENDA NÛÇEYAN

Bi boneya salvegera 20’an Serhildana Qamişloyê, li 7 kantonên Herêma Bakur û Rojhilatê Sûriyeyê daxuyanî hatin dayîn, meş hatin lidarxistin û serdana gorên şehîdên serhildan hatin kirin.

Li herêmên Bakur û Rojhilatê Sûriyeyê serdana gorên şehîdên serhildanê hatin kirin. Gul li ser goran hatin dayîn û mûm hatin pêxistin.

Di çalakiyan de banga xurtkirina têkoşînê ta pêkanîna armancên şehîdan hatin kirin. Hate diyarkirin ku Serhildana 12`ê Adarê çirûsaka tevgera gelê Sûriyeyê ya sala 2011’an e.

Her wiha hate gotin, Serhildana Qamişlo ya 2004’an ku ji aliyê Kurdan ve hîmê wê hate dayîn ji bo tevahî gelê Sûriyeyê pêngaveke ber bi têkoşîna aştiya ya li hemberî siyasetên dijber ve ye. Hate destnîşankirin ku dê bi rih û îradeya serhildanê tev bigerin ta Sûriyeke demokratîk a pirrengî were avakirin.

Di çalakiyan de girîngiya hevgirtinê ya li hemberî planên derxistina fitneyan di navbera gelên herêmê de jî hate destnîşankirin. Hate diyarkirin ku projeya neteweya demokratîk û Rêveberiya Xweser bersiva pêkhateyan a li hemberî van hewldanan e û banga parastina vê projeyê hate kirin.

(bb)

ANHA

MINBIC

ŞEHBA

TIL HEMIS

ÇIL AXA

MINBIC

TEBQA

HESEKÊ

DÊRIK

TIL KOÇER

AMUDÊ