Rêxistinan dijî binpêkirinên rejîma Îranê bang kirin

Dijî binpêkirinan rêxistinên mafê mirovan xwestin dozên binpêkirinan ji bo Dadgeha Suc ya Navnetewî werin şandin.

17 kanûn, 2025 15:08

NAVENDA NÛÇEYAN

Li Îran û Rojhilatê Kurdistanê zextên li ser çalakvanan dewam dikin, li hemberî binpêkirinan, 85 rêxistinên mafên mirovan, parêzer, aktivîst, rojnamevan, kesayetên olî, Komeleya Navneteweyî ya Bijîşk û Karkerên Bijîşkî, Kampanyaya Parastina Girtiyên Siyasî û Sivîl, Komeleya Şoreşger a Jinan û Tora Cîhanî ya Azadiya Girtiyên Siyasî ên Kurd û Îranî daxuyaniyek hevbeş belavkirin.

Daxuyanî wiha ye:

“Îran bi rêya êşkencekirina girtiyan, darvekirinên girseyî, bêdengkirina navneteweyî û sînordarkirinan, sucên dijî mirovahiyê dike. Ev yek bandorek nerênî li jiyana milyonan mirov dike û welatî ji edaletê bêpar dimînin. Divê civaka navneteweyî zimanek tundtir dijî Îranê bikarbîne, ev berpirsyartiyek exlaqiye, herwiha divê Neteweyên Yekbûyî ji bo berpirsyartiyê hemû hêza xwe bikarbîne û piştgiriyê bide saziyan. Di heman demê de dozên binpêkirinên mafên Mirovan bişîne Dadgeha Ceza ya Navneteweyî.”