Partiya Sûriya Pêşerojê bi şêniyên navçeya Til Birakê re civiya

Partiya Sûriye Pêşerojê li navçeya Til Birakê ya kantona Cizîrê, civînek ji şêniyên navçeyê re lidar xist û geşedanên siyasî yên herêmî û cîhanê û stratejiya xwe ya di dema bê de ji wan re şîrove kir. 

Civîn li avahiya Meclisa Navçeyê li dar ket. Bi dehan şênî, endamên partiyê, nûnerên partiyên din, endamên saziyan û rûspiyên herêmê tev li civînê bûn.

Endamê Meclisa Giştî ya Partiya Sûriya Pêşerojê Şiyar Mihemed civîn bi rêve bir, geşedanên siyasî yên xwecih, herêmî û cîhanî bi berfirehî şîrove kirin.

Mihemed balkişand ser siyasetên dijminane yên li dijî vîna gelê herêmê û projeya wê ya Rêveberiya xweser, êrişên dewleta Tirk a dagirker ên li dijî herêmê, tevgerên şaneyên DAIŞ`ê, siyaseta hikumeta Şamê ya li ser dorpêçkirinê û vebijartina çareseriya siyasî ava kiriye.

Di civînê de beşdaran nêrînên xwe der barê rola Rêveberiya Xweser di avakirina yekitiyê de, peydakirina jiyana birûmet û ewlehiyê ji welatiyan re parve kirin. Her wiha diyar kirin ku ew dev ji axa xwe bernadin, piştgiriya Hêzên Sûriya Demokratîk (QSD) û Hêzên Ewlekariya Hundirîn dikin.

(şx)

ANHA