Nûnerên komîteya diyaloga bi desthilata Şamê re kî ne?

Di civîna duyemîn a Fermandariya Giştî ya Hêzên Sûriya Demokratîk (QSD) û nûnerên desthilata Şamê de, ji bo pêkanîna xalên peymana 10’ê Adarê ya di navbera QSD’ê û desthilata Şamê de hatiye îmzekirin, navên nûnerên Herêma Bakur û Rojhilatê Sûriyeyê ji bo diyaloga bi desthilata Şamê re hatin aşkerakirin.

Nav û erkên nûneran:

Foza Yûsif, endama Desteya Serokatiya Partiya Yekitiya Demokratîk (PYD) ye û ji pêkhateya Kurd e.

Ebid Hamid El Mihbaş, hevserokê Partiya Sûriya Pêşerojê û hevserokê berê yê Meclisa Rêveber a Rêveberiya Xweseriya Demokratîk a Herêma Bakur û Rojhilatê Sûriyeyê ye û ji pêkhateya Ereb e.

Senherîb Bersûm, hevserokê Partiya Yekitiya Sûryanî ye û ji pêkhateya Suryan e.

Ehmed Yûsif, hevserokê Desteya Darayî ya Rêveberiya Xweseriya Demokratîk a Herêma Bakur û Rojhilatê Sûriyeyê ye, ji pêkhateya Kurd e.

Sozdar Hacî, endama Fermandariya Giştî ya Yekîneyn Parastina Jin (YPJ) û endama Fermandariya Giştî ya QSD’ê ye, ji pêkhateya Kurd e.

Her du berdevkên komîteyê:

Meryem Îbrahîm, Hevseroka Desteya Kar û Barên Civakî ya Rêveberiya Xweseriya Demokratîk a Herêma Bakur û Rojhilatê Sûriyeyê ye, ji pêkhateya Ereb e.

Yasir Silêman, cîgirê Hevserokatiya Meclisa Gelan a Demokratîk a Herêma Bakur û Rojhilatê Sûriyeyê ye, ji pêkhateya Ereb e.

(fr)

ANHA