Nimêja Cejna Qurbanê; sembola yekitî, hevgirtin û lavayan ji bo Sûriyeyê ye

Mislimanên li Bakur û Rojhilatê Sûriyeyê di nimêja Cejna Qurbanê de ji bo Sûriyê û tevahî gelê wê hêvî kir ku aştî û hezkirin belav bibe û hewldanên ji bo avakirina siberojek baştir û xweştir ji bo welat û civakê bibin yek.

ROJANE

6 hezîran, 2025 08:13

NAVENDA NÛÇEYAN

Piştî ji goristanên şehîdan vegerîn, mislimanên li bajar û deverên Bakur û Rojhilatê Sûriyeyê di serê sibehê de berê xwe da mizgeftan ku nimêja Cejna Qurbanê bikin, û di wê wextê de li mizgeftan tekbîrên cejnê dest pê dikin.

Îmamên mizgeftan girîngî da yekitî û biratiyê û banga redkirina fitne û nakokiyan, xebitîna ji bo xurtkirina aştî û aramiyê li herêmê kir.

Cejn li kêlek nimêj, zikrê û lavayê boneyek ji bo xurtkirina hevgirtina civakî, jinûve vejandina rihê hevgirtin û hezkirinê ye.

Îmaman diyar kir ku cejn ji bo xurtkirina têkiliyên civakî û mirovî firsetek e û ew boneyek ji bo pêşxistina nirxên hevgirtinê di navbera ferdên civakê, şênî û dostan de, ligel girîngîdayîna feqîr û hewcedaran, e.

Piştî nimêjê, nimêjvan pîrozbahiyên xwe pêşkêş dikin. Ev dîmen têkiliyên hezkirin û yekitiya xurt di nava malbat û koman de nîşan dide.

Li Herêma Bakur û Rojhilatê Sûriyeyê, piştî serdana goristanan û nimêjê, di her cejnekê de şênî serdana hev û xizmên xwe, dikin. Her wiha endam û rayedarên Rêveberiya Xweseriya Demokratîk serdana malbatên şehîdan, koçber, hêzên leşkerî li nuqte û eniyan dikin.

(fr)

ANHA

şedadê

reqa

qamişlo