Meclisa Tenduristiyê ya kantona Firatê hat avakirin

Îro li bajarê Kobanê yê kantona Firatê bi beşdariya nûnerên ji tevahî sazî, desteyên Rêveberiya Xweseriya Demokratîk a Kantona Firatê, yekitiyên bijîşkan, dermanxane û karkerên beşa tenduristiyê civîneke tenduristiyê hat lidarxistin.

Di civînê de li gorî madeya 104ˊan a Hevpeymana Civakî ya Herêma Bakur û Rojhilatê Sûriyeyê Meclisa Tenduristiyê ya kantonê hat avakirin.

Di civînê de Elaedîn Kino û Gulîstan Şêx wek hevserokên meclisê hatin hilbijartin.

Di madeya 104ˊan de ev hat diyarkirin:

Meclisa Tenduristiyê ji van sazî û rêxistinan pêk tê û wiha ne; nûnerên ji sazî û komeleyên têkildarî tenduristiyê, nûnerên ji yekitiyên bijîşkan û dermanxaneyan, bijîşkên diranan, yekitiyên pîşeyên tenduristiyê, nûnerên ji meclisên jîngehê, şaredarî û aboriyê, nûnerên ji fakulte û peymangehên taybet. Meclis proje û plansaziyên stratejîk ên dikevin xizmetî dozên tenduristî yên civakê bi pêş dixe. Her wiha saziyan bi pêş dixe û piştgiriyê dide aliyên di mecalê de dixebitin û koordînayê di nava wan de dike. Meclis li gorî pransîba tenduristî ji jiyana ekolojîk û avakirina civakeke azad dest pê dike, tev digere. Ji bo pêşxistina aliyê xizmetugaarî û misogeriya tenduristiyê akademiyên hişyariya civakî û zanistî li gel kadroyên tenduristiyê bi pêş dixe. Meclis hewl dide xizmetguzariyên tenduristiyê bi awayekî bêpere ji tevan bên dabînkirin. Li dijî tevahî cureyên bikaranîn û bazirganiya di aliyê tenduristiyê de tê dikoşe.

(fr)

ANHA