Li Reqayê têkildarî êrişan çalakiya konvedanê

Meclisa Reqayê ya Partiya Sûriya Pêşerojê ji bo şermezarkirina êrişên dewleta Tirk a dagirker ên li dijî herêmê çalakiyeke konvedanê li dar xist. Kon li Parka Reşîd a bajarê Reqayê hat vedan.

Bi dehan şêniyên kantonê, endamên Meclisa Kombûna Jinan a Zenûbiya, endamên saziyan ên Meclisa Rêveber û Meclisa Idliba Kesk, saziyên leşkerî, karûbarên olan û hevseroketiya Meclisa Rêveber a kantinê Meşleb El Turkan û Hêvîn Îsmaîl beşdar bûn.

Di çalakiyê de hevseroka Meclisa Reqayê ya Partiya Sûriya Pêşerojê Fatme El Elî êrişên dewleta Tirk a dagirker ên li dijî herêmê şermezar kirin û destnîşan kir ku ew ê helwesta xwe ya berxwedanê bidomînin.

Endamê Saziya Karûbarên Olan a kantonê Yehya Mehmûd got: "Dewleta Tirk a dagirker di projeya Rêveberiya Xweser de ku tecrûbeyeke nû ya wekhevî, edalet û demokrasiyê temsîl dike, metirsiya li dijî sîstema xwe ya zordest û ya dewletên Rojhilata Navîn, dibîne. Ji ber wê jî ew hewl dide aramiya herêmê têk bibe."

Endama Koordînasyona Meclisa Kombûna Jinan a Zenûbiya Îsra El Hesen diyar kir armanc ji sûcên ku dewleta Tirk a dagirker pêk tîne, îradeya gel têk bibe û jinên azad bê deng bike.

Hevserokê Meclisa Rêveber a Rêveberiya Xweseriya Demokratîk a kantonê Meşleb El Turkan soza domandina berxwedanê li hemberî êrişan nû kir.

Çalakiya konvedanê saet di 16:00'an de bi dawî dibe.

(mh)

ANHA