Li Girkê Legê, Dêrikê û Kobanê pîrozbahiyên Newrozê dest pê kir

Pîrozbahiyên Newrozê li Dêrik û Girkê Legê piştî pêxistina meşeleya Newrozê ji aliyê dayikên şehîdan ve, dest pê kir.

ROJANE

21 adar, 2026 12:33

QAMIŞLO

Li bajarên Girê Legê, Dêrik û Kobanê meşaleyên Newrozê ji aliyê dayikên şehîdan ve hatin pêxistin û pîrozbahî bi dirûşma "Em Newrozê bikin cejna azadiya Rêber Apo û yekitiya demokratîk a Kurdan" dest pê kir.

GIRKÊ LEGÊ

Bi beşdariya şêniyên Girkê Legê, Çilaxa û herêma Aliyan pîrozbahiya Newrozê li gundê Hilêqî yê Girkê Legê dest pê kir û komîteya amadekar axaftina destpêkê kir. Di axaftinan de Newroz hat pîrozkirin û komên hunerî bo dika pîrozbahiyê hatin vexwendin û axaftin hat kirin. Beşdaran jî dirûşmên "Bijî berxwedana gelê Kurd" berz kirin.

Piştre dayikên şehîdan meşaleya Newrozê pê xist û deqeyekê rêz hat girtin.

DÊRIK

Li Dêrikê jî pîrozbahî li Qada Şehîd Çîçek bi pêxistina meşaleya Newrozê û rêzgirtinê dest pê kir.

Piştre komîteya amadekar, komên hunerî vexwend ser dikê da ku axaftina pîrozbahiyê bike. Pîrozbahî dewam dike.

KOBANÊ

Gelê Kobanê jî Newrozê li Qada Miştenûr li dar dixe. Piştî pêxistina meşaleya Newozê û deqeya rêzgirtinê, komîteya amadekar komên hunerî vexwendin ser dikê.

(bb)

ANHA