Li Bakurê Kurdistanê bîranîna girseyî ya gerîllayan berdewam dike

Li Bakurê Kurdistan û Tirkiye ji bo şervanên azadiyê ên ku dem û cihên cuda şehîd bûne konên sersaxiyê hatine vekirin, îro bi bîranîna ku li Nisêbîn were li dar xistin ve dawî dibe.

KURDISTAN

29 tebax, 2026 13:04

NAVENDA NÛÇEYAN

Bi pêşengtiya Komeleya Yekîtî Çand Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine (MEBYA-DER) ji bo şehîdên tevgera azadiye ku di dîrok û cihên cuda de şehîd bûne konên sersaxiyê hatine vedan. Îro bi bîranîna ku ji bo gerîllayan li Nisêbînê were li dar xistin ve şînên ku girseyî dawî dibe.

Konên sersaxiyê û bîranînên girseyî li Amedê û navçeyên wî yên wek Rêzan, Xana Axpar, Bismil, Farqîn û Peyas, li Stenbol û navçeyên Bagcilar, Başakşehîr û Sancaktepe, li Wanê û navçeya Edremît, li navçeya Gever a Colemêrgê, li navçeya Cizîr a Şirnexê û navçeya Nisêbîn a Mêrdînê hatine li dar xistin.

Duh seat 18:00’an de li Cizîrê bernameya bîranînê ve şîna girseyî xilas bû û îro jî li Nisêbînê wê seat 18:00’an de bernameya bîranînê were li dar xistin. Bi bernameya bîranînê ya Nisêbînê wê sersaxî û bîranînên girseyî îro xilas dibe.

Tê payîn ku wê di rojên pêş me de wê nasnameyên şehîdên di dem û cihên cuda de şehîd ketine were eşkere kirin.

ANHA