Hevdîtin û şahiyên ˊHevbendiya Gelan û Jinan ji bo Azadiyêˊ ji gel re dewam dikin

Di çarçoveya propagandaya hilbijartinê de namzetên ˊHevbendiya Gelan û Jinan ji bo Azadiyêˊ li kantona Minbicê li qada giştî ya bajêr kon veda, da ku namzetên bidin nasîn. Li bin kon xelk, nûnerên ji Rêveberiya Xweseriya Demokratîk a kantona Minbicê, deste û saziyên girêdayî wê, partiyên siyasî, Meclisa Kombûna Jinan a Zenûbiya û Meclisa Malbatên Şehîdan beşdar bûn.

Di bin kon de cîgirê hevserokatiya Meclsia Partiya Sûriya Pêşerojê ya kantona Minbicê Mihemed Berkel axivî û got: "Herêma Bakur û Rojhilatê Sûriyeyê di qonaxeke hestiyar û şanseke mezin re derbas dibe ku xwe îsbat bike Rêveberiya Xweser dikare ruxmî tevahî gef û êrişan xwe bi rêxistin bike."

Dûre namzetên hevserokatiya şaredariya Minbicê, endamên meclisa şaredariyê xwe dan nasîn û armancên xwe aşkera kirin.

Her wiha komên navenda çand û hunerê stran pêşkêş kirin.

Girêdayî mijarê Hevbendiya Gelan û Jinan ji bo Azadiyê di roja 6ˊan li Çilaxa de biroşoran belav dikin. Namzetên şaredareya Çilaxa serdana gundê Hemra ya li rojhilatê Çilaxa û gundê Şebek ê li aliyê rojavayê bajêr kir.

Namzetên hevserokatiya şaredariya bajêr Cahîde Şemo û Salih Sefo li ser bernameya hilbijartinê, armancên wan û xebatên dê di dema pêş de pêşkêş bikin dema bi ser ketin, aşkera kirin.

Her wiha hevbendiyê li bajarê Mensora û gundê Hemam ên kantona Tebqayê 2 civînên cuda li dar xistin. Di civînan de namzetan xwe da nasîn, armancên hevbendiyê şîrove kirin.

(fr)

ANHA

cil axa 

minbic

tebqa