Hemas: Îsmaîl Heniye li Tehranê hate kuştin
Tevgera Hemasê ragihand ku Îsmaîl Heniye li Tehranê hate kuştin.
Tevgera Hemasê ragihand ku Îsmaîl Heniye li paytexta Îran Tehranê hatiye kuştin.
Tevgerê têkildarî mijarê daxuyaniyek da û aşkera kir ku Heniye di "êrişeke Îsraîlê de li dijî avahiya lê dima li Tehranê" hatiye kuştin.
Pasdarên Îranê ragihandibû ku rêveber tevgera Hemasê Îsmaîl Heniye û parêzvanekî wî li Tehranê hatine kuştine.
Pasdarên Îranê têkildarî mijarê daxuyaniyek li malpera xwe parve kiribû û gotibû: "Avahiya serokê nivîsgeha siyasî ya Hemasê Îsmaîl Heniye lê dima li Tehranê hate topbarankirin. Di encamê de Heniye û parêzvanekî wî şehîd bûne."
Heniye sêşemê gihaştibû Tehranê ji bo ku tev li merasîma erkdarkirina serokê nû Mesûd Pizîşkiyan bibe. Di wê serdanê de bi Pizîşkiyan û Ayatullah Alî Xamînaî re civiyabû.
Televizyona El Eqsa ya girêdayî tevgera Hemasê daxuyaniya endamê nivîsgeha tevgera Hemasê Mûsa Ebû Merzûq parve kir ku "kuştina Heniye, kiryarek tirsonek e û dê bê bersiv nemîne".
(şx)
