Gelê kantona Firatê Şehîd Şevger Kobanê oxir kir

Bi sedan şêniyên Kantona Firatê, endamên sazî û dezgehên girêdayî Rêveberiya Xweser cenazeyê şeravanê Hêzên Komandos Şevger Kobanê (Cîhad Bekî) ê  3`ê Sibata 2025`an li Bendava Tişrînê şehîd bûbû, bi merasîmeke biheybet û bi tilîliyan oxir kir.

Merasîm bi deqeyek rêzgirtin dest pê kir. Piştre ji rêveberên Meclisa Bajarê Şêranê yê Kobanê Fatmê Osman sersaxî ji malbata şehîd Şevger Kobanê re xwest û şehîdên azadiyê bi bîr anî.

Fatmê diyar kir ku nêzî du meh e berxwedaneke dîrokî li Bendava Tişrîn tê meşandin û wiha pê de çû: “Berxwedana şervanên me mohra xwe li dîrokî xistin. Şervanên me ji bo parastina axa û gelê xwe canê xwe feda kirin, divê em jî xwedî li şehîdên xwe derkevin."

Rêveberê Meclisa  Gundê Taşlûkê yê rojhilatê Kobanê Mihemed Bozî destnîşan kir ku ew ê heta dawiyê şopdarên şehîdên azadiyê bin û got: “Gelê Bakur û Rojhilatê Sûriyeyê bi rêbazên şerê gel ê şoreşger li ber xwe dide. Em ê bi berxwedana xwe rûmet û welatê xwe biparêzin. Heta ku yek ji me mabe em ê doza azadiyê biparêzin. Berxwedana Bendava Tişrîn di dîrokê de bi tîpên zêrîn tê nivîsandin. Wê tu carî ev berxwedanî neyê jibîrkirin. Divê em xwîna zarokên xwe li erdê nehêlin û li hember êrişên dijmin em bibin bend û têkoşîn bikin.”

Pişte wesîqeya şehîd Şevger hate xwestin û redestî malbatê hate kirin.

Şehîd Şevger Kobanê bi dirûşma “Şehîd Namirin” û bi tiliyên dayîkan oxirkirin.

(sş/bb)

ANHA