El Xiznewî: Ji bo parastina herêmê em piştgiriya QSDˋê bikin

Şêx Murşid El Xiznewî di civîna li Qamişloyê de got, “Piştî hilweşîna rejîma Baasˋê me dît ku çawa mirov li gorî mezhebên xwe tên qetilkirin. Ji lew re divê em ji bo parastina herêmên xwe piştgiriya QSDˋê bikin."

ROJANE

31 kanûn, 2024 18:18

QAMIŞLO

Şêx Murşid El Xiznewî bi gelê Qamişlo re civiya. Di civînê de endam û rêveberên Kongreya Îslama Demokratîk, PYD, Kongra Star, sazî û dezgehên Rêveberiya Xweser û gelek şêniyên Qamişlo amade bûn. Civîn li hola Zana ya bajêr hat organîzekirin.

Di civînê de Şêx Murşid El Xiznewî axivî û behsa qonaxa piştî hilweşîna rejîma Baas kir û destnîşan kir ku li Sûriyeyê mirov li gorî mezhebên wan tên qetilkirin.

El Xiznewî di berdewama axaftina xwe de bal kişand ser rastiya dijmin û diyar kir ku wexta mirov bê parastin bi dijmin re rû bi bû ma, wê demê cudahiyê naxe navbera mal, mezheb û rengên cuda, anku wê rehmê neke.

El Xiznewî di dawiya axaftina xwe de got: “Ji bo parastina herêmên xwe em piştgiriya Hêzên Sûriya Demokratîk (QSD) bikin. Ev yek mijareke esasî ye û nîqaş jî li ser nayê kirin.”

Di civînê de alên QSD’ê hatin bilindkirin û dirûşmeyên “Bijî berxwedana QSD, YPG û YPJ’ê" hatin berzkirin.

ANHA

(bm-be/fr)