′Di peymana civakî de tevahî beşên civakê rola xwe di rêvebirinê de dilîzin′

Komîteya Berfireh a Sazkirina Peymana Civakî di 4′ê kanûnê de dest bi rêze civînan kiribû ku 4 rojan dewam kir. Li gorî lihevkirin û erêkirin a ji aliyê endamên komîteyê hinek bendên peymanê hatin rakirin û hinek hatin guhertin.

Komîteyê reşnivîsa peymana civakî pêşkêşî Meclis Giştî ya Rêveberiya Xweser  kir da ku erê bike û bibe destûrekî fermî li Bakur û Rojhilatê Sûriyeyê.

Cîgira Hevserokatiya Meclisa Gitşî ya Rêveberiya Xweser a Bakur û Rojhilatê Sûriyeyê Fatma Xelîl ji malpera fermî ya Rêveberiya Xweser a Bakur û Rojhilatê Sûriyeyê re axivî û got, peyman dê pirsgirêkên ku di mîsaqa bingehîn a Rêveberiya Xweser de nehatin vegotin, çareser bike.

Fatma Xelîl anî ziman ku peymana civakî ya nû armanc dike ku sîstemeke nenavnedî ya rêveberiyê were avakirin ku tevahî civak û pêkhateyên wê rola xwe di rêveberiyê de bilîzin.

Fatma Xelîl bal kişand ku di peymana civakî de bendên taybet ji aliyê Koordînasyona Jinan, Meclisa Jinan û Edaleta Civakî ve hatin sazkirin hene û hin bendên ku Meclisa Jinan a Bakur û Rojhilatê Sûriyeyê wekî nûnerê rewşa yê tevahî jinan were naskirin, pejirand. Fatma  got, di peyamê de bendên girêdayî parastina mafên zarok û jinan û avakirina saziyên têkildarî parastina wan hatin zêdekirin.

Cîgira Hevserokatiya Meclisa Giştî ya Rêveberiya Xweser a Bakur û Rojhilatê Sûriyeyê Fatma Xelîl got, pêkanîna guhretinan di rêgezên giştî yên peymana civakî de divê ji aliyê meclisên gelan ên rêveberiyên sivîl û xweser ve, du sêyekên endamên meclisên gelan ên rêveberiyan û sêyekek ji endamên meclisên gelan ên demokratîk ên Bakur û Rojhilatê Sûriyeyê  were erêkirin.

(bb)

ANHA