Şehîd Nadiya El Yûsif li Tirbespiyê hate veşartin

Pêkahteyên Tirbespiyê cenazeyê şehîd Nadiya El Yûsif defin kir û got divê ew ê armancên şehîdan bi cih bînin.

ROJANE

14 tebax, 2025 22:37

QAMIŞLO

Meclisa Malbatên Şehîdan a bajarê Tirbespiyê bi merasîmekê hevseroka Gerînendetiya Sotemeniyê ya kantona Cizîrê Nadiya El Yûsif li Pakrewangeha Şehîd Dilşêr a gundê Dugirê oxir kir.

Endam Meclisa Malbatên Şehîdan a Tirbespiyê Mihemed Zekî Îbrahîm axivî û behsa fedakariyên şehîdan di şoreşa 19`ê Tîrmehê de kir.

Hevseroka Meclisa Rêveber a kantona Cizîrê Vîviyan Beho Osê jî axivî û behsa taybetmendiyên şehîd Nadiya kir û got ku wê di oxira parastina herêmê de kurê xwe feda kiriye.

Vîviyan wiha domand: “Mînaka jina ku cihê xwe di nava civakê û saziyên Rêveberiya Xweseriya Demorkatîk de girtiye bû”

Hevseroka Partiya Yekitiya Demokratîk (PYD) ya kantona Cizîrê Perwîn Yûsif got: “Jinên têkoşer di şoreşê de roleke girîng lîst û ji bo Sûriyeya demokratîk a nenavendî, xebitî.”

Di dawiyê de Perwîn soz da ku rêya şehîdan bidomînin, ji bo ku destkeftiyên şehîdan biparêzin û serkeftinê bi dest bixin.

Di dawiya merasîmê de, wesîqeya şehadetê hate xwendin û radestî malbatê hate kirin û şehîd Nadiya di nava tilîliyên dayîkan de hate veşartin.

(şx)

ANHA