Bernameyên 8’ê Adarê bi rengên keskesorê dest pê kirin

Çalakiyên 8’ê Adarê Roja Jinan a Cîhanê li herêmên Bakur û Rojhilatê Sûriyeyê bi beşdariya hezaran jinan û deryaya rengan dest pê kirin.

JIN

8 adar, 2024 11:39

NAVENDA NÛÇEYAN

Di bin diruşmeya “Bi vîna azad a jinan em dawî li polîtîkayên qirkirin, dagirkerî û tecrîdê bînin” li kantonên Bakur û Rojhilatê Sûriyeyê pîrozbahiya 8’ê Adarê dest pê kirin.

Ji saetên serê sibehê ve bi hezar jin û mêran li 7 navendên Bakur û Rojhilatê Sûriyeyê berê xwe dan cihên pîrozbahiyê. Jinên ku cil û bergên herêmî li xwe kirine, deryaya rengan pêk anîn û dîmenên keskesorê derxistin holê.

Bi hezaran bi dirûşmeya, “Jin jiyan azadî” baweriya xwe ya ji bo serkeftina têkoşîna azadiyê nîşan didin.

Bernameya 8’ê Adarê ya li bajarê Qamişlo li Gundê Dirêjîkê yê navçeya Tirbespiyê destpê kir. Bi hezaran jinên Kurd, Ereb, Suryan û Erben bi cilên xwe yên rengîn qad xemilandiye. Pîrozbahiya ku dirûşmeyên azadiyê tên qêrîn û li ser stranan govend tê gerandin, bi axaftinan didome.

Pîrozbahiya li Hesekê Sed Xerbî (Bendava Rojava) bi beşdariya hezaran jinan destpê kir. Pîrozbahî bi axaftinan didome.

Li Şehbayê li navçeya Ehdasê bernameya 8’ê Adarê bi meşekê destpê kir. Piştî meşê wê li navenda navçeyê bername bi axaftin û çalakiyên hunerî dom bike.

Pîrozbahiyên li kantonên Firat, Reqa û Tebpa, bajarê Helebê wê di saetên pêş de destpê bikin.