Li Rojava di nava bêdengiyê de hişyariyek bilind heye

Li eniyên şer ên kantona Cizîrê û bajarê Kobanê bêdengîyek bihişyarî heye. Gel li kêleka şervanên QSD û YPJ’ê parastina bajarên xwe didomînin. Ji aliyên din ên Kurdistanê jî tevlêbûna seferberiya Rojava dewam dike. Li Kobanê jî ji ber dorpêçê pirsgirêkên mirov zêdetir dibin.

ROJANE

24 ÇILE, 2026 10:08

NAVENDA NÛÇEYAN

Li kantonên Cizîrê û Kobanê li eniyên şer ên di navbera Hêzên Sûriyeya Demokratîk (QSD) û komên çekdar ên hikumeta demkî ya Sûriyeyê de, aramiyeke bihişyarî heye. Şêniyan ku komîteyên xweparastinê ava kirine, li kêleka QSD û YPJ’ê taxên xwe diparêzin.

Li aliyekî din xwedîderketina li berxwedana Rojava dewam dike. Di vê çarçoveyê de ji Başûr, Bakur û Rojhilatê Sûriyeyê hatine ciwanan a Rojava û tevlêbûna wan a nava seferberiyê dewam dike.

Bi hezaran malbatên koçber xwe li bajarên Dêrik, Girkê Legê, Çilaxa, Qamişlo, Amûdê û Dirbêsiyê û Hesekê girtine. Heyva Sor a Kurd, komîn û meclisên bajar koçberan bi cih dike û pêdiviyan pêşkêşî wan dike.

Li Kobanê jî ku di bin dorpêça çeteyên hikumeta demkî û dewleta Tirk a dagirker de ye ceyran, av, derman û şîrên zarokan qut hîn jî qut in. Ev yek gefê li jiyana bi hezaran kesî dixwe. Ji bo rakirina dorpêçê bangên lezgîn têne kirin.

(b)