Festîvala Şehîd Zîlan dest pê kir

3'yemîn Festîvala Şehîd Zîlan a çand, huner û werzîşê bi dirûşma "Jin, Jiyan, Azadî, Serbixwe Azadî" dest pê kir. Festîval ji aliyê Yekitiya Jinên Ciwan a Kantona Efrîn û Şehbayê ve hatiye organîzekirin.

Festîval bi amadebûna bi sedan şêniyan li kampa Berxwedanê ya navçeya Fafînê ya kantona Şehbayê dest pê kir.

Axaftina destpêkê ya festîvalê ji aliyê berdevka Yekitiya Jinên Ciwanan a Bakur û Rojhilatê  Sûriyayê Rim Dede ve hate kirin. Rîm Dede berxwedana koçberên di kampan de silav kir û di kesyaeta şehîda Zîlan de tevahî cangoriyên azadiyê bi bîr anîn. Rîm Dede got: ''Şehîd Zîlan pêşenga me ye. Em jinên ciwan bi saya şehîdan û ramanê Rîber Apo gihiştine vê rojê. Em ê xwedî li şoreşa xwe derkevin ku erkeke ser milê me ye û ji bo azadiya fîzîkî ya Rêber Apo em ê têkoşînê berdewam bikin."

Rim Dede bang li ciwanan kir ku ji bo têkbirina dagirkeriyê têkoşînê xurt bikin.

Piştî axaftinan jinên ciwan ên bi navên Diyane Mihemed û Rolyene Reşîd helbest xwendin. Her wina komên Nûjiyan, Rûsîda, Avesta daketin ser dikê û stran gotin. Koma Stranên Erebî jî hunerên xwe pêşkêş kirin. Koma Nûjiyan Ocalan jî govendên folklorî gerandin û Koma Arîn jî şanoyek pêşkêş kir.

Festîval wê sibe li Stada gundê Babnisê bi çalakiyên werzîşê bi dawî bibe.

(zş/bb)

ANHA