​​​​​​​Şêniyên kantona Qamişlo şehîd Zîlan bi bîr anî

Sibe salvegera  26`an a şehadeta têkoşera fedayî Zîlan (Zeyneb Kinacî) ye. Bi vê boneyê Kongra Star semîner li bajarê Qamişlo, navçeyên wê Amûdê û Çilaxa organize kirin.  Di semîneran de soza şopandina xeta şehîdan hate dayîn.

QAMIŞLO

Kongra Star ji bo bîranîna şehîd Zîlan semînerek bi diruşma " Bi berxwedana Zîlan û Arînan em ê dagirkeriyê têk bibin" da.

Semîner li avahiya Şaredariya Gel a bajarê Qamişlo bi amadebûna bi endamên  endamên şaredariyê û saziyên sivîl ên bajar hate dayîn.

Di semînerê de beşek ji nameya şehîd Zîlan ji aliyê endama Kongra Star a taxa Kornîş a Qamişlo Elefteriye Harûn ve hate xwendin.

AMÛDÊ

Têkildarî mijarê li navenda Kongra Star a navçeya Amûdê ya girêdayî kantona Qamişlo semînerek hate dayîn.

Bi dehan endamên saziyên sivîl, Hêzên Ewlekariya Hundirîn, nûnerên partiyan tev li semînerê bûn. Semîner ji aliyê yek ji rêveberên Navenda Perwerdeyê ya navçeya Amûdê Hena Xalid ve hate dayîn.

Her wiha ji endamên Kongra Star a navçeya Mira Zoro jî îşaret bi berdewamiya têkoşînê û parastina destkeftiyên ku bi saya têkoşîna şehîdan hatine bidestxistin, kir.

ÇILAXA

Şêniyên navçeya Çilaxa jî  bi semînerekê şehîd Zîlan bi bîr anî û gotin, ew ê rêya hemû şehîdan bişopînin heta ku jiyaneke azad û bi rûmet bidest bixin.

Semîner bi amadebûna bi dehan kesî li navenda Çand û Hunerê ya navçeyê hate dayîn.

Di semînerê de endama komîteya Perwerdeyê ya Kongra Star Emanî El-Şêx Hesen nameya şehîd Zîlan ji rêber Ocalan re xwend.

Di dawiyê de sînevizyon li ser jiyana têkoşer Zîlan hate pêşandan û dirûşmeyên şehîd namirin hatin berzkirin.

(bx)

ANHA