Ji Kombûna Jinan a Zenûbya gavek ji bo pêşxistina aboriya jinan

Ji projeyên Nivîsgeha Kombûna Jinan a Zenûbya ya Reqayê, li bakurê Reqayê 400 donim û li gundewarê başûr 70 donim bi genim çandibû.

Endamên nivîsgehê dest bi berhevkirina genim ê li gundewarê bakur çandibû kir û dê di hefteya bê de yê li gundewarê başûr berhev bike.

Endama rêveber a projeyên aborî ya kombûnê Dûa El-Hesen anî ziman ku bi armanca destekdayîna projeyên aborî ji bo jinên li Reqayê û pêkanîna rêgeza xwetêrkirinê genim çandine ku ji bo wan hemûyan fêde ye.

Dûa El-Hesen diya kir ku ew ê qezencên firotina genim bixin sendoqa Kombûna Jinan a Zenbûnya ya Reqayê û got: "Em ê projeyên xwe yên berê mîna firine pêş bixin. Her wiha destekê bidin projeyên biçûk ên jinan wekî sebzeyên havîn û zivistanî."

Ji projeyên din ên kombûna xwendîkirina 250 serî mîh e.

Berdevka Komîteya Aboriya Jinan a Reqayê Cîhan Mihemed diyar kir ku berhemn genim baş e û tevahî bişînin embaran. He wiha got, ev proje dê destekê bide aboriya jinan a Reqayê.

Cîhan Mihemed her wiha anî zmian ku piştî çinîna genim dê 70 donim bi garisê zer biçînin.

ANHA