Şahiyên 8`ê Adarê dest pê kirin

Şahiyên pîrozkirina Roja Jinan a Cîhanê li kantonên Hesekê, Qamişlo, Kobanê û bajarên Heleb û Minbicê dest pê kirin. Bi hezaran şênî bi cil û bergên gelêrî tev li şahiyan bûne.

JIN

8 adar, 2022 11:07

NAVENDA NÛÇEYAN

Li herêmên Bakur û Rojhilatê Sûriyê îro şahiyên pîrozkirina 8`ê Adarê bi dirûşma “Em bi hev re şoreşa xwe biparêzin û xaka xwe rizgar bikin” pêk tên.

HESEKÊ

Şahiyên pîrozkirina Roja Jinan a Cîahnê li kantona Hesekê li qada bendava Xerbî ya li bajêr, qada Saziya Malbatên Şehîdan a navçeya Til Temirê û qada Navenda Ciwanên Şoreşger a Sûriyê ya Dirbêsiyê dest pê kirin.

QAMIŞLO

Li navçeyên Girkê Legê û Til Koçer ên kantona Qamişloyê, şahî navendî ye û li stada Rimêlan dest pê kir. Li bajarê Qamişlo şahîd li Stada Heysem Keco li dar ket. Bi hezaran jin û endamên saziyên sivîl û leşkerî tev li şahiyan bûn.

Di axaftinan de Roja Jinan a Cîhanê li hemû jinan hat pîrzokirin û soza berdewamkirina têkoşînê li ser şopa şehîdan heta rizgarkirina tevahiya axa dagirkirî hat dayîn.

Tê payîn ku gelek komên hunerî berhemên xwe pêşkêş bikin.

HELEB

Ji vê sibê li Helebê şahiya ku Kongra Star bi dirûşma Bi hev re şoreşa xwe biparêzin û xaka xwe rizgar bikin, orgenîzekirbû, dest pê kir.

Bi hezaran jinên taxên Şêxmeqsûd û Eşrefiye yên kurd, ereb, suryan û Turkmen cil û bergên gelêrî li xwe kirin û berê xwe dan qada şahiya ya li herêma Şiqeyf a taxa Şêxmeqsûd a Helebê.

Bernameya şahiyê wiha ye; dê bi navên YPJ, Meclisa Jinan a Sûriyê û Kongra Star axaftin werin kirin. Piştre dê komên girêdayî Navenda Kevana Zêrîn berhemên xwe pêşkêş bikin.

KOBANÊ

Li Kobanê şahiya 8`ê Adarê li Daristana Kobanê ya li rojavayê Kobanê dest pê kir.

Bi sedan şêniyên kantonê tev li şahiyê bûne.

Tê payîn ku bi navên Koordînasyona Kongra Star û YPJ`ê axaftin werin kirin û komên hunerî berhemên xwe pêşkêş bikin.

MINBIC

Li Minbicê li xeta Muhterêq li gundê Toq El-Xelîl ê başûr rojavayê Minbicê şahiya 8`ê Adarê dest pê kir.

Bi hezaran jinên Tebqa, Reqa, Kobanê û Minbicê û endamên saziyên sivîl, leşkerî û saziyên taybet ên jinan tev li şahiyê bûn.

Di şahiyê de endama Nivîsgeha Kombûna Jinan a Zenûbyayê ya Minbicê Hala Ilwan axivî û got: 8`ê Adarê berhema têkoşîn û berxwedana bêhmepa ya jinên kedkar ên cîhanê ye.

Hala ev roj li rêber Abdullah Ocalan pîroz kir û banga hevgirtinê li hemû jinan kir ku armancên jinan ên rewa û avakirina civakeke demokraîtk pêk werin.

Şahî berdewam e.

ŞEHBA

Şahiya 8`ê Adarê li gundê Elûşe yê navçeya Ehdasê ya kantona Şehbayê dest pê kir.

Endamên Tevgera Kevana Zêrîn a kantona Efrînê straneke şoregerî gotin û piştre perspektîfên rêber Abdullah Ocalan ên têkildarî jinan û rola wê di têkoşîna li dijî pergala baviksalarî ya desthilat de hatin xwendin.

(şx-dx)

ANHA