Bi boneya salvegera rizgarkirina Kobanê ciwanan kulîlk li ser gorên şehîdan çandin

Tevgera Ciwanên Şoreşger a Sûriyê salvegera 7’an a rizgarkirina Kobanê ji DAIŞ’ê li tevahî gelên herêmê pîroz kir û berê xwe da goristana şehîdan ku kulîlkan li ser gorên wan biçînin.

CIWAN

26 ÇILE, 2022 17:04

HELEB-NESRÎN ŞÊXO

Bi boneya salvegera rizgarkirina 7’an a kantona Kobanê ji DAIŞ’ê bi dehan endamên Tevgera Ciwanên Şoreşger li pêş navenda xwe ya li beşa rojava ya taxa Şêxmeqsûdê ya Helebê kom bûn û berê xwe da goristana şehîdan ku kulîlkan biçînin.

Ciwan li kolanan gerîn û diruşma silavkirina berxwedana Kobanê hildan û piştre berê xwe da goristanê.

/ar/uploads/files/2022/01/26/160817_rwnahy-jwdy.webp

Li goristana şehîdan a taxên Şêxmeqsûd û Eşrefiyê ya li taxa Şiqeyêf a Helebê ciwanan deqeyeke rêz girt, dûvre endama rêveber a Tevgera Ciwanên Şoreşger a Sûriyê Ronahî Cûdî axivî û roja rizgarkirina Kobanê li tevahî gelên herêmê pîroz kir.

Ronahî Cûdî destanên ku têkoşeran li dijî DAIŞ’ê nivîsandine pîroz kir û got: "Kobanê di 26’ê Çileyê de bi saya fedekariyên şehîdan, berxwedanan şervan û şêniyan ji çeteyên DAIŞ’ê hate rizgarkirin."

Ronahî Cûdî di dawiyê de got ew ê li ser metoda şehîd û rêber Ocalan heta rizgarkirina tevahî herêmên dagirkirî û têkbirina dagirkeriyê bimeşin.

Piştî axaftinan beşdaran kulîlk li ser gorên şehîdan çandin.

(fr)

ANHA