Bi nêzîkbûna 25'ê Mijdarê li Helebê semînerek hate dayîn

Semîner ji aliyê Malbenda Heleb a Rewşenbîrî ve bi navê "Îştar Star" li navenda malbendiyê ya li beşê rojhilat ê taxa Şêxmeqsûdê hate dayîn. Bi dehan endamên partiyên siyasî, saziyên sivîl û Malbendiya Heleb a Rewşenbîrî beşdarî semînerê bûn.

Semîner ji aliyê endamê Malbendiya Heleb a Rewşenbîrî Mehemd Şêx Qenber ve hate dayîn. Qenber îşaret bi rewşa jin di serdemên dîrokî de "Serdema kevir, navîn, nûjen û şoreşa enduristiyal" kir û da zanîn ku jin rola sereke di rêvebirina civakê de lîst û got: "Piştre desthilat di jiyana sivîl a rejîma navendî de ketin destê mêr tebeqeyan hêrarşî ava bûn."

Mihemed Şêx Qenber bal kişand ser destana Îştar û wiha got: "Îştar lêgerîna yekem a keşifkirina kokên nebat û gihayan e û ji giha derman derxist. Her wiha mal ava kir û ji bo debarê bazirganî kir. Jin agir derxist. Îştar rihê edalet û wekheviya civakî ava kir û li hemberî desthilatdarî û tundiyê şer kir, her wiha aştî di navbera mirovan de belav kir."

Di semînerê de jinên şoreşger ên têkoşer  mîna "Nefertîtî, Kleopatra, mêvanê Xatûn, Şeceret El-Durr, Zenûbiya, Xewla Bint El-Ezwar, helbestvana Ereb Xansa, Zîna Zeydan, Xaca Zara, Bêrîvana Cundî û Kola Cleary û jinên Kurd ên weke “Brîtan, Zîlan, Arîn Mîrkan, Evesta, Barîn, Sakîne Cansiz, Fîdan” û bi hezaran şehîdên azadiyê hatin bi bîranîn.

ANHA