‛Tirkiye hewl dide pêkhateyên herêmê qir bike’

Kongreya Star a navçeya Çilaxa da zanîn ku dewleta Tirk hewl dide pêkhateyên herêmê ji Kurd, Ereb û Suyan qir bike û hîn zêdetir xaka Sûriyê dagir bike, her wiha bang li civata navneteweyî kir ku sînorekî ji sûcên dewleta Tirk re deyne.

25 tebax, 2021 17:43

QAMIŞLO

Kongreya Star a navçeya Çilaxa bi daxuyaniyekê ragihand ku dagirkeriya Tirk bi rêya êrişên xwe hewl dide pêkhateyên herêmê qir bike, ji lewma rojane sivîlan dike armanc û bi firokeyên bêpîlot navendên leşkerî bombebaran dike.

Endama Kongreya Star Semer Hisên daxuyanî li pêşiya navenda Kongreya Star xwend.

Di daxuyaniya Kongreya Star de ev hate gotin: "Dagirkeriya Tirk hewl dide hîn zêdetir xaka Sûriyê dagir bike û sivîlên ku yekitiya xwe ava kir û li dijî terrora DAIŞ`ê şer kir dike armanc da ku wan bitirsîne û herêmê jî vala bike.

Her wiha di daxuyaniyê de hat destnîşankirin ku dewleta Tirk di demên dawî de navendên leşkerî yê QSD`ê kir armanc û di encamê de du fermandar û şervên ku parastina sivîlên li wir dikirin, bûn qurban. Di heman demê de li herêma Şengalê sivîlan hedef digire.

Di dawiyê daxuyaniyê de bang li NY`yê û civata navneteweyî hat kirin ku sînorekî ji sûcên Tirkiyê û hewldanên wê yên qirkirina gelê herêmê û komkujiyên ku rojane pêk tine re, deyne.

(eh)

ANHA