Ciwanên Partiya Sûriya Pêşerojê bêdengiya navneteweyî li hember sûcên Tirkiyê şermezar kir

Meclisa Ciwanên Partiya Sûriya Pêşerojê ya Tebqayê bi daxuyaniyekê bêdengiya navneteweyî ya li hember sûcên dewleta Tirk û kiryarên wê yên nerawa li herêmê şermezar kirin û bang li gelên herêmê kir ku tev li şerê azadiyê ya li dijî dagirkeriya faşîst bibin.

24 hezîran, 2021 16:33

TEBQA

Cîgirê Serokê Meclisa Ciwanên Partiya Sûriya Pêşerojê ya Tebqayê daxuyanî li pêş avahiya partiyê xwend û wiha tê de hate gotin:

"Piştî êrişên dewleta Tirk a dagirker ên li dijî herêmên Bakur û Rojhilatê Sûriyê û qetilkirin, koçberkirin û wêrankirina malan, çewisandina çand û azadiyan, em Meclisa Ciwanên Partiya Sûriya Pêşerojê bêdengiya navneteweyî ji van kiryar, sûcên dermirovî û derexlaqî şermezar dikin.

Em li dijî van êriş û sûcên li dijî xaka me, qetilkirin û koçberkirina şêniyên ji herêmên dagirkirî disekinin û ji cîhanê tevahî re dibêjin ev xaka sûriyan e û ne ji mafên kesî ye ku destwerdanê bike û şêniyên sûrî parastina wê dikin.

Divê gelê me tev li hemleya "werin cenga azadiyê, cenga parastina xak û rûmetê" û divê em bi yek destî li dijî dijminê faşîst bisekinin û parastina xak û rûmeta xwe bi hemû hêza xwe bikin.

Em li ser şopa şênî û şehîdên xwe ne heta armancên wan pêk bînin û dagirkeriyê têk dibin."

Daxuyanî bi diruşmên şermezarkirina dagirkeriyê û piştgiriya QSD’ê bi dawî bû.

(fr)

ANHA