Şandeyek ji Tebqayê serdana Minbicê kir

Piştî bûyerên ku li bajarê Minbicê qewimîn, îro şandeyeke ji rêveberî, rûspî û şêxên eşîrên Tebqayê serdana Minbicê kir. Şandeyê li avahiya Meclisa Sivîl a Demokratîk a Minbicê ji aliyê hevserokê Meclisa Rêveber a Minbicê Mihemed Xêr Şêxo ve hate pêşwazîkirin.

Hevserokê Meclisa Rêveber a Minbicê Mihemed Xêr Şêxo got: "Em bi sererastkirin û fikrên ji bo sererastkirinê re ne, lê ne bi derxistina fitne, xerabî û wêraniyê re ne, di halê hazir de em dikarin bibêjin ku rewşa Minbicê aram e."

Mihemed Şêxo got, başbûna Minbicê başbûna tevahiya herêmên Bakur û Rojhilatê Sûriyê ye û wiha domand: "Ji qetilkirin û xerabkirinê re êdî bes e, divê em van lîstok û fitneyan fêm bikin, gel hişyar e, lê hin kom hene armanca wan a sereke xerabkirin e."

Li aliyekî din jî hevserokê Meclisa Rêveber a Tebqayê Mezlûm Umer armanca serdana xwe ya ji bo Minbicê diyar kir û wiha axivî: "Em hatine da ku ji yekitî û hevgirtina xwe ji cîhanê re îsbat bikin û îsbat ku me ev alozî bi windahiyên herî kêm derbas kir."

Umer bal kişand ser biryarên ku têne standin û ev xal lê zêde kir:"Biryarên ku derdikevin em di pratîkê de dibînin ku li hemberî wan bertek hene çi erênî û çi neynî be, lê bûyerên li Minbicê qewimîn wekî ku me şopand dûrî sererastkirinê ne, ji ber ku herêmeke sînorî ye û her kes hewl dide vê rewşê bi kar bîne, lê belê zanebûna gel, saziyên ewlekariyê û rêveberiyan di misogerkirina aramiyê de xwedî rol bûn."

Şêxê eşîra El-Wilde ku eşîreke Tebqayê ye Ebdulletîf El-Ferec jî axivî û destnîşan kir ku ew bi lihevanîn û daxwazên rewa re ne û dijî xerabkirin û xebata bi ajandeyên derve re ne, di heman demê de li dijî dijminên vî bajarî destek in.

Şêxê eşîra Benî Esîd Sadiq El-Isêdî axivî û got li Minbicê bi saya welatiyan aloziyeke ku destên aliyên derve tê de hebû derbas kirin.

(eh)

ANHA