Ji bo 24 şehîdan merasîmê sersaxiyê hate lidarxistin

Ji bo 6 gerîlayên HPG'ê, 15 şeravnên Hêzên Sûriya Demokratîk (QSD), 2 şervanên Yekîneyên Parastina Gel (YPG) û endamekê Hêzên Ewlekariya Hundirîn merasîmê sersaxiyê hate lidarxistin.

Kobanê sersaxiyê li goristana Şehîd Dîcle ya başûrê Kobanê hate vendan û bi wêneyên şehîdan û wêneyên rêber Abdullah Ocalan hat xemilandin.

Bi sedan şêniyên kantona Kobanê û gundewarên wê, nûnerên Rêveberiya Xweser, partiyên siyasî, saziyên civaka sivîl û leşkerî herikîn bin kon û sersaxî xwestin.

Di bin kon de merasîmeke hate lidarxistin û bi deqeyeke rêzgirtin dest pê kir. Piştre ji rêveberiyên Meclisa Malbatên Şehîdan a Herêma Firatê Arif Balî axivî û diyar kir ku her şehîdek ji van şehîdan dibistaneke û dîrok bi xwîna xwe nivîsandin. Arif Balî da zanîn ku ew li vê derê ne ji bo ku soza xwe bi şehîd, rêber Abdullah Ocalan û Tevgera Rizgariya Kurdistanê re nû bikin.

Seroka Desteya Jin a Herêma Firatê Firyaz Berkel axivî û diyar kir ku rêya ku şehîdan şopandiyê rêya rasteqîn e û rêya wan tevahiyan ne, ji ber ku rêyê azadî, neteweya demokratîk û azadiya gelê Kurd e.

Firyaz Berkel bang kir û got: "Divê gelên me hişyar be, ji ber ku dijmin nikare vê hêmanê leşkerî dagir bike, taybet dixe dorê."

Hevserokê Nivîsgeha Têkiliyan a Partiya Yekitiya Demokratîk (PYD) Bekir Hec Îsa axivî û şehîdên Tevgera Rizgariya Kurdistanê bi bîr anî û got:" Dema ku aloziya Sûriyê dest pê kir, Rêveberiya Xweser a Bakur û Rojhilatê Sûriyê bi vîn gel hate avakirin. Ev Rêveberî rastî êrişên hov hat û gelek dewletan xwestin ku vê rêveberiyê û vê  projeyê têk bibin. Lê tevî van êrişan Rêveberiya Xweser gavên mezin û girîng davêje."

Hec îsa her wiha got, bêhna azadiyê û ruhê welatpariziyê di vê welatî de hatiye çandin û dê tevahî planên dijmin a ku hewl dide vîna gel bişkîne, têk bibin.

 (dm)

ANHA

<iframe width="560" height="315" src="https://www.youtube.com/embed/AxIg4MCf3bo" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>