Li Reqayê Kongreya Damezrandina Kombûna Jinên Zenûbiya dest pê kir

Kongre li hola El-Tac a bajarê Reqayê tê lidarxistin. Hevseroka Meclisa Rêveber a Rêveberiya Xweser a Bakur û Rojhilatê Sûriyê Bêrîvan Xalid, Hevseroka Meclisa Rêveber a Rêveberiya Xweser a herêm Efrînê Şîraz Hemo, Sekretêra Giştî ya Partiya Pêşerojê ya Sûriyê Sîham Dawûd, ji fermandarên QSD`ê Lîlwe El-Ebdulah, nûnerên Komeleya Çerkes a bajarê Minbicê, komeleya Tirkmen û kesayetên jin ji herêmên Tebqa, Reqa û Dêrazor beşdarî kongreyê bûne.

Endama komîteya amadekar a kongreyê Sîham Hemo axaftina destpêkê kir.

Paşê bi navê komîteya amadekar Ihtîmad El-Ehmed wiha got: "Li gorî xebatên salên borî rêxistineke nû hate ragihandin û ew jî ji bo yekitiya îradeya jin û gihaştina wê ji hemû aliyên jina re ye. Her wiha da ku karibin di hemû aliyan de bixebitin û rola wan di rêveberirina pêvajoya ber bi çareseriya siyasî li Sûriyê sereke be û hêvî û xwestekên jinên Sûriyê û aştiyê li Sûriyê pêk bîne.

Paşê bi navê jinên Tebqa, Reqa û Dêrazorê Meryem Îbrahîm ev tişt anî ziman: "Ev kombûna me isbat dike ku jin pêşenge  di civakê de. Îro piştî 4 salan ji rizgarkirina van herêman em dikarin bêjin ku zayîneke nû ji jinên azad re ye.

Kongre didome.

(bx)

ANHA