Şêniyên Til Hemîsê şehîd Baran Qamişlo oxir kir

Şêniyên navçeya Til Hemîs cenazeyê şervanê QSD’ê Samî El-Hûşî (Baran Qamişlo) li goristana şehîdan oxir kir.

NÛÇE

19 adar, 2021 14:00

QAMIŞLO

Şêniyê navçeyê cenazeya şehîd Baran ku di 17'ê Adarê de şehîd bûbû, ji pêşiya Meclisa Malbatên Şehîdan a li taxa Enteriyê ya Qamişloyê wergirtin û bi karwanekî erebeyan berê xwe da goristana şehîdan a Til Hemîsê.

Di merasîmê de şervanên Hêzên Sûriya Demokratîk toraneke leşkerî li dar xist.

Piştre ji fermandarên QSD'ê Hecî Til Koçer axivî û sersaxî ji malbata şehîd û hevrêyên wî re xwest û wiha axivî: "Şehîd pêşengên me ne, wan di oxira parastina xak û gelê xwe de destanên lehengiyê nivîsandin.”

Hecî soza şopandina rêya şehîdan heta pêkanîna serkeftinê da.

Bi navê Meclisa Malbatên Şehîdan jî endamê rêveberiya meclisê Abdullah El-Cemîl axivî û diyar kir ku ew ê têkoşîn û berxwedanê dewam bikin.

Piştî axaftin bi dawî bûn, hevserokê meclisa bajarokê Til Ehmed, Salih El-Xelef wesîqeya şehîd Samî El-Hûşî xwend û radestî malbatê kir. Piştre cenazeyê şehîd di nava tilîliyên dayikan û dirûşmên dilsoziya bi şehîdan re, hate veşartin.

(dx)

ANHA