‘Divê civaka navneteweyî li hemberî dijminahiya li ser herêmê tavilê bikeve nava tevgerê’

Berdevka Meclisa Malbatên Şehîdan li Eyn Îsa Welat Sencar daxuyanî xwend û tê de êrişên dewleta Tirk û topbarana li ser malên sivîlan û tirsandina şêniyan, şermezar kirin.

Di daxuyaniyê de hate destnîşankirin ku ev êriş li gel paşguhkirina civaka naveteweyî û Rûsyayê pêk tên ku bi wê yekê hevkariya Rûsyayê bi dagirkeriya Tirk re diyar dibe.

Mcelisê di daxuyaniya xwe de destdirêjiya çeteyên dewleta Tirk a li gorên şehîdan ên li herêmên dagirkirî şermezar kir û ew yek bi kiryareke neexlaqî bi nav kir.

Beriya çend mehan ajansa me, destdirêjiya çeteyan a li gorên şehîdan li Goristana Şehîd Mehmûd Taimê ya li gundê Tenhoze yê Girê Spî, belge kiribû.

Di daxuyaniyê de her wiha berxwedana şervanên QSD`ê ya li hemberî êrişên dewleta Tirk a dagirker û çeteyên wê ku dixwazin herêmên din dagir bikin, hate silavkirin û bang li civaka navneteweyî hate kirin ku li hemberî êriş û destdirêjiyên li ser herêmê tavilê bikeve nava tevgerê.

(cx)

ANHA

<iframe width="560" height="315" src="https://www.youtube.com/embed/-fsT1PhJNOo" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>