Şêniyên Minbicê şehîdên sala 2020'an bi bîr anîn

Di merasîmê ku li goristana Şehîdan a başûrê bajarê Minbicê hatibû lidarxistin de, malbatên şehîdan, endamên saziyên sivîl û leşker amade bûn.

Merasîm ji aliyê Meclisa Malbatên Şehîdan a Minbicê hatibû lidarxistin, bi tûrana leşkerî ya Hêzên Erka Xweparastinê dest pê kir. Bi navê Meclisa Leşkerî ya Minbicê berdevkê meclisê Şervan Derwîş axivî û got: "Her tişt bi îradeya şehîdan û armancê ku ji bo wê şehîd bûne tê pîvan, mafê tu kesî tuneye ku xeta wan bişopîne bêyî ku li gorî pîvanên wan tev bigerin."

Piştre, cîgira hevserokatiya Meclisa Rêveber a Minbicê Şehrîvan Derwîş şehîdên azadiyê bi bîr anîn û got ku bajarê Minbicê bi keda şehîdan ronî bûye. Derwîş berxwedana şervanên li eniyên şer ên berxwedanê silav kir.

Bi navê Meclisa Malbatên Şehîdan, endama meclisê Kefaa El-Elî banga xwedîderketina li destkeftiyên şehîdan kir û soza şopandina rêya wan dan.

Piştî axaftinan Meclisa Malbatên Şehîdan nasnameyên şehîd Eşref Seîd El-Hîlal, Ferhan El-Zahir û Îbrahîm El-Hemade eşkere kirin, ku di dema qedexeya vîrusa koronayê de şehîd bibûn û merasîmê oxirkirinê ji wan re nehatibû lidarxistin.

Endama Meclisa Malbatên Şehîdan Sebah Mihemed nasnameyên her sê şehîdan xwendin û radestî malbatên wan kirin.

Di dawiya merasîmê de mûm li ser gorên şehîdan hatin pêxistin.

ANHA

<iframe width="560" height="315" src="https://www.youtube.com/embed/5pmxqs0NvWw" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>