Şêniyên Helebê sersaxî ji malbata şehîd Ferhad Efrîn re xwest

Şêniyên taxên Şêxmeqsûd û Eşrefiyê yên Helebê sersaxî da malbata şehîd Ferhad Efrîn û tekez kir ku ew ê heta dawiyê rêya şehîdan bişopînin.

NÛÇE

18 kanûn, 2020 12:26

HELEB

Şêniyên taxên Şêxmeqsûd û Eşrefiyê û endamên saziyên sivîl û partiyên siyasî yên bajarê Helebê berê xwe da konê sersaxiyê yê şehîd Hisên Îbiş (Ferhad Efrîn) ku di encama nexweşiyê de şehîd bûbû. Konê sersaxiyê li pêşiya mala şehîd a li taxa Şêxmeqsûd hatiye vedan.

Merasîma sersaxiyê bi rêzgirtinê dest pê kir, piştre bi navê Meclisa Malbatên Şehîdan û meclis û komînên her du taxan axaftin hatin kirin.

Axaftvanan sersaxî da malbata şehîd Ferhad Efrîn ku cenazeyê wî duh li goristana şehîdan a herêma Şiqeyif a Helebê hatibû veşartin, her wiha bal kişand ser fedakariyên şehîdan ên di oxira rizgarkirina herêmê û avakirina civakeke azad û demokratîk de.

Di axaftinan de hate destnîşankirin ku şehîd Ferhad ji kesên destpêkê bû ku beşdarî parastina xak û gelê xwe bû û bi fedakariyeke mezin erk û berpirsyarên xwe pêk anîn.

Piştre endama Meclisa Malbatên Şehîdan Bêrîtan Serbel wesîqeya şehadetê xwend. Merasîma sersaxiyê bi dirûşmên dilsoziya bi şehîdan re bi dawî bû.

(cx)

ANHA