‘Civaka navneteweyî li hemberî sûcên li dijî jinan ên li herêmên dagirkirî bê deng e'

Komîteya amadekar a hemleya “Na ji dagirkeriyê û komkujiyan re, bi hev re jin û jiyanê biparêzin" têkildarî mijarê daxuyaniyeke nivîskî weşand.

Naveroka daxuyaniyê wiha ye:

"Hemû rêxistin û tevgerên jinan li Bakur û Rojhilatê Sûriyê çalakiyên ji bo sekandina şîdeta li ser jinan ku vedigere bi hezaran salan û ji aliyê rejîmên serdest ve tê kirin, dewam dike. Her wiha hêzên dagirker kiryarên derveyî mirovahî û exlaqî li dijî jinan li hemû herêmên ku dagir kirine, rewa dike.

Bi vî awayî rejîm desteka sereke ya binpêkirinên dewleta Tirk e.

Li gorî derfetên kêm, Meclisa Edaleta Jinan a Bakur û Rojhilatê Sûriyê li herêmên dagirkirî 56 rewşên kuştinê, 23 rewşên tecawiziyê, 26 rewşên xwekuştin, 11 rewşên revandinê û 24 rewşên destdirêjiyê, belge kirin.

Her wiha Navenda Lêkolîn û Parastina Mafên Jinan li Sûriyê, bûyerên binpêkirinên ku ji hêla dagirkeriyê ve hatine kirin, belge kirin û wiha ne: 88 bûyerên kuştinê, 140 rewşên revandinê û 479 rewşên lêdan û destdirêjiyê.

Ruxmî van hemûyan jî, lê civata neteweyî hê jî di helwesta xwe de bê deng maye, tevî ku sloganên ku rêxistinên hiqûqî û neteweyî û di serî de Neteweyên Yekbûyî de tiştê ku pêk tê, dibîne.

Em soza berdewama têkoşîn û çalakiyên xwe û her rojekê em ê bikin rojên têkoşîna ji bo şîdeta li dijî jinan, didin.

Em ji civata neteweyî û hemû rêxistinên wê yên hiqûqî û sivîl dixwazin ku erka xwe di parastina mafên her jinekê ku bi binpêkirinan re rû bi rû dibe, biparêzin.”

(dm)

ANHA