Şaredariya Til Temirê dest bi projeya xwe ya yekemîn kir

Li kolana Şehîd Îsmaîl a navenda navçeyê pirsgirêkên xetimandina xetên kanalîzasyonê hebûn, ku şênî ji ber wê zehmetî dikişandin.

Li ser vê yekê Şaredariya Gel a navçeyê dest bi restorekirin û guhartina xetên kanalîzasyonê yên li kolanê kirin.

Endamê Rêveberiya Komîteya Fenî ya Şaredariyê Gel  Goran Mihemed got ku xebata restorekirina xetên kanalîzasyonê dê di kêmî heftiyekê de bi dawî bibe  û diyar kir ku niha ji bo xetên malan bigihînin xeta sereke kar dikin.

Têkildarî lawazbûna kar de Goran Mihemed ev yek destnîşan kir:"Îsal ji ber artêşa Tirk a dagirker ên li derdora navçeyê û gefên wê yên li ser herêmê me nekarî karên xizmetguzariyê bikin."

Di dawiyê de Goran Mihemed da zanîn ku wan nîqaşa projeyeke berfireh a kanalîzasyonan kirine, ku ew jî bi dirêjahiya 815 metreyan e û pêşbîn dikin ku di yek ji çariyeke çaremîna îsal de were pêkanîn.

(eh)

ANHA

<iframe width="560" height="315" src="https://www.youtube.com/embed/nkdkYi-wXTE" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>