Gerînendetiya Avê ava vexwarinê gihand 18 gundên Kobanê

Di çarçoveya projeyên Gerînendetiya Avê ya Kantona Kobanê yên gihandina avê de, Gerînendetiya Avê ya navçeya Qenayê av gihand 18 gundên li rojavayê Kobanê.

Hevserokê Gerînendetiya Avê ya navçeya Qenayê Mehmûd Colbek îro ragihand ku bi hevkariya Gerînendetiya Giştî ya Avê ya Kantona Kobanê, av gihaştiye 18 gundan.

Gundên ku av gihaştinê, wiha ne: Bênederê Navîn, Bênderê mezin, Zekeriye, Bistik, Derb Nobê Sêyemîn, Derb Nobê yekemîn, Derb Nobê duyemîn, Mezrat Seyf Alî, Seyf Alî, Henkûş, Şemika Şêrîn, Şemika Jorîn, Merat Qoşlî Jêrîn, Qoşlî Jorîn, Mezrat Mihemed Sîdî, Kobilk û Mezrat Osman Sîdî.

Piştî gelek salan ev cara yekemîn e ku avê digihêje wan gundan. Gerînendeya Avê ya Qenayê, plan dike ku avê bigihîne gundên din ên xeta rojavayê  Kobanê.

Şêniyê bi navê Şerîf Sibêr ê ji şêniyên gundê Bêndera Navîn kêfxweşiya xwe bi vê projeyê rave kir û piştrast kir ku ji kirîna avê xilas bûne.

(şx)

ANHA

<iframe width="560" height="315" src="https://www.youtube.com/embed/4QD-mf7pbyE" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>