‘Hebûna jinan di qada siyasî de rêgezên neteweya demokratîk disepîne’

Meclisa Jinan a PYD`ê hewl dide jin rolek li ser asta siyasî bilîze da ku bandor li zîhniyeta mêrdestiyê bike yê ku di vî warî de xwe bi sereke dibîne. Her wiha Sûriyê ji avrêza nakokî û aloziyan ber bi civakeke demokrat û azad ve derxe. Di diyaloga Kurdan de ji bo pêkanîna yekitiya neteweyî û di dan û standinên diyaloga Sûrî-Sûrî de cih girt.

Îro li Navenda Aram Tîgran a Çand û Hunerê li navçeya Rimêlanê ya kantona Qamişlo li herêma Cizîrê Kongreya Duyemîn a Meclisa Jinan a PYD’ê bi dirûşma “Bi rêxistin û pêşengiya jina azad em ê dagirkeriyê têk bibin û Rêveberiya Xweser ji bo mîsogeriya Sûriyeke demokrat bisepînin” li dar ket.

‘TÊKOŞÎNA LI DIJÎ SIYASETA MÊRDESTÎ Û PÊKANÎNA NETEWA DEMOKRATÎK’

Endama Meclisa Jinan a PYD`ê ya herêma Cizîrê Şedye Omer lidarketina kongreyê pîroz kir û hêvî kir ku biyarên nû ku sûd li rola jinan li ser asta siyasî dike jê derkevin.

Şedye destnîşan kir ku di dirêjahiya dîrokê de jin ji siyasetê hate dûrxistin. Lê jinan li Bakur û  Rojhilatê Sûriyê yên ku di Şoreşa 19`ê Tîrmehê de cih girtine, rê li pêşiya jinan vekir û ji bo diyarkirina çaranûsa xwe, çaranûa civakê li qadên siyasî bi rola xwe rabû û proje û bernameyên siyasî li dijî têgeha dewlet û desthilata takekesî bi rêya projeya neteweya demokratîk danî.

Şedya di nav gotinên xwe de bal kişand ser hedefgirtina dewleta Tirk a dagirker jina birêxistinkirî ya li herêmên Bakur û Rojhilatê Sûriyê û diyar kir ku ji ber ku jinan xwe û civaka xwe bi rêxistin kirin ji hêla aliyên derve ve têne hedefgirtin.

Şedya di dawiyê de got: “Em hewl didin bi rêya xwebirêxistinkirinê rola jinan li ser asta siyasî bidin pêş.”

ROLA JINAN DI DIYALOGA YEKITIYA NETEWEYÎ DE

Endama hevserokatiya PYD`ê ya herêma Firatê Bêrîvan Xelîl behsa rola ku meclisê ji damezirandinê ve sala 2018`an dilîze kir û diyar kir ku ew ji bo avakirina meclisên jinan di nava partiyan de gaveke nû bû û rêyek bû da ku jin bigihêje qadên siyasî ku dikare bi nêrîna jinan bandor li warê siyasî ya giştî bike.

Der barê destkeftiyên ku jinan di şoreşa 19`ê Tîrmehê de bi dest xistine, Bêrîvan got, jin bi rêya xwedîderketina fikr û felsefeya rêber Abdullah Ocalan ên girêdayî azadiya jinê, ji têgeha desthilatê û hikumeta mêrserwer rizgar bû.

Bêrîvan di berdewama gotinên xwe de got kongre bi armanca ku jin bigihêje astekê ku bikare xwe rave bike, rewşa tê jiyîn bi zimanekî siyasî dûrî zihniyeta mêrdestî analîz bike û wê bi têgehek demokratîk û azad dûrî zordestiyê biguhere, li dar dikeve.

Der barê rola jinan di meclisê de Bêrîvan bi bîr xist ku jinê roleke girîng di diyalog û dan û standinên navbera aliyên Kurd de ji bo pêkanîna yekitiya neteweyî lîstiye. Yekitî ji armancên bingehên ên meclisê ye.

Di dawiyê de Bêrîvan Hesen banga yekitiyê li tevahiya partiyan, xurtikirina rêbazên diyalogê heta ku jin cihê xwe di çêkirina biryaran de bilîze, kir.

(şx)

ANHA

<iframe width="560" height="315" src="https://www.youtube.com/embed/zpKiDg37_gI" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>