​​​​​​​`Hin alî bi rêya çepemeniyê tevlîheviyan derdixînin’

Piştî ku li gundewarên rojhilatê Dêrazorê jiyan asayî bû, QSD’ê dest bi operasyonekê kir. Di encam de çeteyên girêdayî  aliyên dijber hatin girtin. Ew çete ji bo kuştina şêx û rûspiyan hatibûn erkdarkirin. Gelek aliyên hundirîn û derve hene ku dixwazin tevlîheviyê di navbera pêkhateyên herêmê û eşîran de derxnin.

Şêxekî qebîleya Igêdat yê bajarokê Şihêlê Xilêf El- Şair derbarê bûyerên li herêmê û armanca derxistina tevlîheviyan de axivî.

El-Şair di destpêka axaftina xwe de wiha got: "Hinek alî naxwazin ewlehiya herêmê çêbibe.  Bûyerên ku di rojên dawîn de ku li bajarokê Şihêl derketin, bi deste gelek aliyên hindirîn û derve pêk hatin. Armanca wan derxistina tevlîheviyê, xirabkirina aramî û ewlehiya herêmê bû.”

El-Şair diyar kir ku tevlîhevî û bûyerên ku çêbûn bandoreke neyînî li şêniyên herêmê kir.

El-Şair wiha domand: "Bûyerên qewimîn di aliyê çapemeniyê de ji aliyê hindek aliyan ve zêde hate mezinkirin. Her aliyekî bûyerên herêmê li gorî berjewendiyên xwe bikar anî. Her aliyekî dixwest rewşê gûr û mezin bike. Kesên dûrî herêmê ne wek yên li herêmê ne, ew rastiya heyî li ser erdê nizanin.”

‘DIVÊ ŞÊNÎ Û EŞÎRÊN HERÊMÊ BERJEWENDIYA GIŞTÎ LI SER HER TIŞTÎ RE BIGRIN’

El-Şair wiha dirêjî da axaftina xwe: “Divê şênî û eşîrên herêmê yekitiya xwe ava bikin, dûrî ezeziyê û berjewendiyên kesayetî bikevin. Divê aramî û ewlehiya herêmê bifikirin, rewşa wê bixin nava berjewendiyên xwe yên giştî. Divê parastina wê ji aliyên derve ku dixwazin aramî û ewlehiya herêmê tevlî hev bikin, bikin. Divê xebatên ji bo hezkirin û aştiya di navbear pêkhateyan de zêde bibin. Xurtkirina jiyana hevbeş di bin sîwana biratiya gelan de û wekheviya di navbera pêkhateyên herêmê de were xurtkirin."

‘DIVÊ ALIYÊN DERVE DESTWERDANA KARÛBARÊN DERVE NEKIN Û ŞERÊ ÇAPEMENIYÊ RAWESTÎNIN’

Derbarê gotegotên ku aliyên siyasî û leşkerî yên derve behsa wê dikin El-Şair ev tişt got: "Tişa ji me re girîng gelê herêmê ye ku aramî û ewlehî li Bakur û Rojhilatê Sûriyê pêk were. Em ê bi hemû hêza xwe li hember her kesên ku dixwazin tevlîheviyê derxînin bisekinin.”

Şêx Xilêf El-Şair wiha dawî li axaftina xwe anî: "Aliyên derve ku destwerdana karûbarên herêmê dikin divê vê yekê rawestînin. Şerê çapemeniyê yê li dijî me tê kirin, bisekinînin. Destê xwe ji aramî û ewlehiya herêmê bişînin, ji ber bandorê li gelê herêm dike."

(bx)

ANHA