Cenazeyê Goran Osman li Amûdê hate veşartin

Şêniyên navçeya Amûde cenazeyê şervanê Hêzên Sûriya Demokratîk, Goran Osman ê ku di 14`ê Cotmehê de di Berxwedana Rûmetê de şehîd bûbû, li Goristana Şehîd Ismaîl oxir kir.

Berxwedana Rûmetê

17 cotmeh, 2019 12:29

QAMIŞLO

Bi sedan şêniyên navçeya Amûdê ya girêdayî kantona Qamişlo cenazeyê şervanê Goran Osman bi nasnav Goran Amûdê yê ku di sekinandina li hember êrîşên artêşa Tirk a dagirker de li ser navçeya Amûdê di 14`ê Cotmehê de şehîd bûbû, oxir kir.

Şêniyan cenazeyê şehîd ji Navenda Heyva Sor a Kurd a navçeya Amûdê wergirtin û piştre berê xwe da Goristana Şehîd Ismaîl a navçeyê. Şêniyan wêneyê têkoşerên Hêzên Sûriya Demokratîk (QSD) û alên YPG û YPJ`ê hildan.

Li goristanê li ser navê Rêveberiya Xweser a Herêma Cirzîrê hevserokê Desteya Hundirîn Kenan Berekat axivî û berxwedana destanî ya şêniyên Bakur û Rojhilatê Sûriyê li hember artêşa Tirk a dagirker û çeteyên wê destnîşan kir. Berekat behsa rola mezin a gel ê ku bersiva seferberiya giştî daye kir û got: "Îro şervanên me li eniyên berxwedanê bi xwîna xwe dîrokê dinivîsin."

Paşê Saziya Malbatên Şehîdan wesîqeya şehadeta şehîd xwend û radestî malbata wî kir. Di dawiya merasîmê de girseya gel cenazeyê şehîd li Goristana Şehîd Ismaîl veşart.

(şx)

ANHA